Անվճար բժշկական սպասարկում ստանալու համար ԼՂ-ից բռնի տեղահանված անձը կարող է դիմել կեցության (բնակության) վայրին մոտ գտնվող հետևյալ հաստատություններից որևէ մեկը՝ պոլիկլինիկա, գյուղական բժշկական ամբուլատորիա, առողջության կենտրոն, առողջության առաջնային պահպանման կենտրոն, կանանց կոնսուլտացիոն կենտրոն։

Պահանջվող փաստաթղթերը

Անվճար բժշկական սպասարկում ստանալու համար անհրաժեշտ է ներկայացնել՝

• անձը հաստատող փաստաթուղթ,
• բժշկի ցուցում։

Տրամադրման ժամկետը և կարգը

Բժշկական հաստատությունում գրանցվելուց հետո հնարավոր կլինի օգտվել պետական պատվերի շրջանակներում տրամադրվող անվճար բժշկական օգնությունից՝ ներառյալ ամբուլատոր պայմաններում անվճար տրամադրվող դեղերը:

ԼՂ-ից բռնի տեղահանված այն անձինք, ովքեր ունեն աջակցող միջոցների կարիք, այդ թվում՝ քայլակ, սայլակ, հենակ, ձեռնափայտ և այլն, կարող են զանգահարել 114 թեժ գիծ (Միասնական սոցիալական ծառայություն, տարածված է նաև «Սոցապ» անվանումը) և ստանալ անհրաժեշտ միջոցները։ 

Հղում օրենսդրությանը

ՀՀ Կառավարության՝ 2020 թվականի նոյեմբերի 16 N 1799-Լ որոշում

Որոշումը հնարավոր է գտնել arlis.am-ում։