Միկրոձեռնարկատիրության սուբյեկտ համարվելու համար անհրաժեշտ է «Շարունակել» կոճակը սեղմելուց հետո՝ 

• գրանցվել համակարգում՝ անցնելով «Ներկայացնել հայտ» հղմամբ,
• լրացված էլեկտրոնային հասցեին կուղարկվի գրանցման հղում, որով անցնելուց հետո անհրաժեշտ է ստեղծել օգտանուն և գաղտնաբառ,
• գրանցվելուց հետո մուտք գործել համակարգ,
• ընտրել «Հաշվետվություններ» բաժինը, որտեղ տեղադրված են հաշվետվությունների ու հայտարարությունների տեսակները,
• ընտրել «Միկրոձեռնարկատիրության սուբյեկտ համարվելու վերաբերյալ հայտարարություն» թիվ 257 ձևը, 
• լրացնել այն ամսաթիվը, որից սկսած դիմողը համարվելու է միկրոձեռնարկատիրության սուբյեկտ,
• ծանոթանալ միկրոձեռնարկատիրության սուբյեկտ համարվելու համար ներկայացված պահանջներին և դրանց համապատասխանելու դեպքում գրանցել հայտարարությունը։ 

Ներկայացվող պահանջները

Միկրոձեռնարկատիրության սուբյեկտ կարող է համարվել այն ռեզիդենտ առևտրային կազմակերպությունը, անհատ ձեռնարկատերը կամ ֆիզիկական անձը որի գործունեությունից իրացման շրջանառությունը նախորդ օրացուցային տարվա ընթացքում չի գերազանցել 24 մլն դրամը: 

Հղում օրենսդրությանը՝

• ՀՀ պետական եկամուտների կոմիտեի նախագահի 2019 թվականի օգոստոսի 27-ի 558-Ն հրաման 
• ՀՀ հարկային օրենսգիրք 

Իրավական ակտերը հնարավոր է գտնել arlis.am-ում։