Հարթակը մշակման փուլում է․ ձեր կարծիքը կօգնի մեզ բարելավել այն:
Ստանալ Հայաստան վերադառնալու վկայական անչափահասի համար
ՀՀ վերադարձի վկայականը միանգամյա օգտագործման ճամփորդական փաստաթուղթ է, որն անձին տրամադրվում է շտապ ՀՀ վերադառնալու նպատակով։ Այն տրամադրվում է անձին, եթե սահմանը հատելու իրավունք տվող օրինական փաստաթուղթը կորել է, գողացվել, ժամկետանց է, օգտագործման համար ոչ պիտանի է կամ ընդհանրապես չի տրամադրվել։
ՀՀ քաղաքացու դեպքում սահմանը հատելու իրավունք տվող օրինական փաստաթուղթը անձնագիրն է, իսկ փախստականի կամ քաղաքացիություն չունեցող անձի դեպքում՝ ՀՀ-ի կողմից տրված ճամփորդական փաստաթուղթը։
Արտասահմանում գտնվող մինչև 16 տարեկան քաղաքացու դիմումը պետք է ներկայացնի ծնողներից մեկը կամ նրա օրինական ներկայացուցիչը (հոգաբարձուն կամ խնամակալը)։ 16-18 տարեկան քաղաքացիները կարող են դիմել անձամբ, իսկ 18 տարին լրացած անձինք՝ նաև լիազորված անձի միջոցով։
Անհրաժեշտ է ֆիզիկապես դիմել տվյալ երկրի ՀՀ դեսպանություն կամ հյուպատոսական հիմնարկ` նախապես այց ամրագրելով։
Այց ամրագրելիս անհրաժեշտ է նշել այն անձի տվյալները, ով անձամբ ներկայանալու է ընդունելության:
- նույնականացումից հետո «Դիմորդի էջ»-ում լրացնել պահանջվող տվյալները (անունն ու ազգանունն անհրաժեշտ է լրացնել հայատառ, ինչպես գրված է անձնագրում) և սեղմել «Հաջորդ էջ» կոճակը,
- բացվող էջի «Հերթագրման ծառայության մանրամասներ» դաշտում ընտրել այն երկիրը, որտեղ ներկայացվելու է դիմումը,
- Երկիրն ընտրելուց հետո ավտոմատ կերպով մնացած դաշտերում կլրացվի ՀՀ համապատասխան դեսպանության կամ հյուպատոսության հասցեն,
- «Այցելության օր և ժամ» բաժնում ընտրել հասանելի օրերից ու ժամերից ամենահարմար տարբերակը։
Պահանջվող փաստաթղթերը
Անչափահաս անձի Հայաստան վերադարձի վկայական ստանալու համար անհրաժեշտ է ներկայացնել հետևյալ փաստաթղթերը՝
- դիմում-հարցաթերթիկ,
- 35x45 մմ չափսի 2 լուսանկար,
- ժամկետանց կամ օգտագործման համար ոչ պիտանի անձնագիր ներկայացնելու դեպքում դրա լուսապատճենը,
- անձնագրի բացակայացության դեպքում կորած կամ գողացված ՀՀ քաղաքացու անձնագրի լուսապատճենը կամ դրա՝ նոտարի հաստատումով լուսապատճենները (առկայության դեպքում),
- ՀՀ քաղաքացու անձնագիր ստացած չլինելու դեպքում ՀՀ կամ օտարերկրյա պետության իրավասու մարմինների կողմից տրված ծննդյան վկայականի բնօրինակը կամ դրանց լուսապատճենները,
- ծնողների անձնագրերի կամ նույնականացման քարտերի բնօրինակները։
Լիազորված անձի միջոցով դիմելու դեպքում լիազորված անձը պետք է նաև ներկայացնի՝
- լիազորագիր (նոտարական վավերացումը պարտադիր չէ),
- իր անձը հաստատող փաստաթղթի բնօրինակը։
Վճարման չափը
ՀՀ վերադարձի վկայականը անչափահասներին տրամադրվում է անվճար։
Տրամադրման ժամկետը և կարգը
ՀՀ վերադարձի վկայականը տրամադրվում է 1 աշխատանքային օրվա ընթացքում։
Հարցումն ստանալուց հետո ՀՀ ԱԳՆ-ում համակարգի միջոցով անձը նույնականացվում է, որից հետո վերադարձի վկայական տրամադրելու վերաբերյալ պատասխանն ուղարկվում է այն դեսպանություն կամ հյուպատոսական հիմնարկ, որը զբաղվել է տվյալ անձի դիմումով։ Անձին տեղեկացվում է վկայականի տրամադրման որոշման վերաբերյալ, ինչից հետո հնարավոր է վկայականը ստանալ համապատասխան հյուպատոսական հիմնարկում։
ՀՀ վերադարձի վկայականը հնարավոր է օգտագործել փաստաթղթի տրվելու պահից 30 օրվա ընթացքում։
Ուշադրություն
Եթե ժամկետանց կամ օգտագործման համար ոչ պիտանի անձնագիր ներկայացնելիս կասկած է առաջանում՝ արդյոք դիմողը անձնագրում պատկերված անձն է, ապա հյուպատոսական հիմնարկը վերադարձի վկայական տալու էլեկտրոնային հարցում է ուղարկում անձնագրային բաժանմունք։ Այս դեպքում վկայականը տրամադրվում է 5-15 աշխատանքային օրվա ընթացքում՝ պայմանավորված լրացուցիչ ստուգումներով։
Հղում օրենսդրությանը
2011 թվականի մարտի 24-ի N 297-Ն ՀՀ կառավարության որոշում
Որոշումը հնարավոր է գտնել arlis.am-ում։
(+374) 010 58-59-80
(+374) 055 62-01-11
(+374) 010 58-59-80
(+374) 055 62-01-11