Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Դպրոցում երեխային հերթագրելու համար նախ պետք է ստուգել անձնական տվյալների համապատասխանությունը ըստ հետևյալի․

• այցելել stugum.emis.am մայիսի 8-ից՝ ժամը 9:00-ից սկսած,
• լրացնել անհրաժեշտ դաշտերը՝ անձնական տվյալների համապատասխանությունը ստուգելու համար։
  
  

Տվյալները լրացնելիս հնարավոր է օգտվել այս ուղեցույցից։

Տվյալների համապատասխանությունը ստուգելուց հետո անհրաժեշտ է․

• այցելել hayt.emis.am (դա հնարավոր է անել սկսած հունիսի 1-ից, ժամը 9։00-ից),

• ընտրել մարզը և համայնքը,

• սեղմել «Դիտել դպրոցները» կոճակը,

• բացվող պատուհանում ընտրել համապատասխան դպրոցը՝ սեղմելով «Ավելացնել հայտ» կոճակը,

• լրացնել երեխայի և ծնողի տվյալները և սեղմել «Հայտագրել» կոճակը։
  
  

Ներկայացվող պահանջները

Երեխային դպրոցում հերթագրելու համար կարող են դիմել ՀՀ կամ օտարերկրյա քաղաքացիություն ունեցող ծնողները, եթե երեխայի 6 տարին լրացել կամ լրանում է մինչև տվյալ տարվա դեկտեմբերի 31-ը ներառյալ:

Ավելի փոքր տարիքի երեխաների ընդունելությունը ուսումնական հաստատություն արգելվում է:

Ուշադրություն

Ընդունելությունը կազմակերպելիս առաջնահերթությունը տրվում է՝

• տվյալ դպրոցում սովորող քույր, եղբայր ունեցող երեխաներին,
• դպրոցից մինչև տուն քայլելով հասանելի տարածքում բնակվող՝ անապահով ընտանիքների, խնամակալության տակ գտնվող, հաշմանդամություն ունեցող երեխային կամ հաշմանդամություն ունեցող ծնողների երեխաներին (այս դեպքում դիմումը և Միասնական սոցիալական ծառայության կողմից տրամադրած համապատասխան տեղեկանքը պետք է ուղարկել secretariat@escs.am էլ․ հասցեին),
• ՀՀ տարածքում ներքին գործուղմամբ առնվազն 6 ամիս ժամկետով այլ բնակավայր տեղափոխված պետական համակարգի աշխատողների երեխաներին,
• տվյալ դպրոցի աշխատակիցների երեխաներին։

Ընդունելության կարգը

• Հանրակրթական դպրոցի առաջին դասարան երեխայի ընդունելության ժամանակ նրա գիտելիքների ստուգումը արգելված է։
• Կրթության առանձնահատուկ պայմանների կարիք ունեցող երեխաների ընդունելությունը ուսումնական հաստատություն կատարվում է ընդհանուր հիմունքներով:
  
  

Տրամադրման ժամկետը և կարգը

Հայտը լրացնելուց հետո երեխայի ընդունելության մասին դիմողը ծանուցվում է էլեկտրոնային նամակի և հեռախոսազանգի միջոցով 10 աշխատանքային օրվա ընթացքում։
  

Հղում օրենսդրությանը

• «Հանրակրթության մասին» ՀՀ օրենք
• ՀՀ կառավարության՝ 2010 թվականի հոկտեմբերի 25-ի N 132-Ն հրաման

Օրենսդրական ակտերը հնարավոր է գտնել arlis.am կայքում: