Ծառայությունից օգտվելու համար անհրաժեշտ է մոտենալ պոլիկլինիկա, հիվանդանոցային բժշկական օգնություն և սպասարկում իրականացնող և դիսպանսերային հսկողության ծառայություն իրականացնող բժշկական կազմակերպություններ:

Ծրագրի մասին

Աջակցության այս ծրագրի շրջանակում փոխհատուցվում է դեղորայքի արժեքը հետևյալ հիվանդությունների դեպքում․

• տուբերկուլյոզ (հակատուբերկուլյոզային դեղեր),
• հոգեկան հիվանդություններ (հոգեմետ դեղեր),
• չարորակ նորագոյացություններ (հակաուռուցքային դեղեր, հեմոֆիլիայի դեղեր, ցավազրկող դեղեր, թմրադեղեր),
• շաքարային և ոչ շաքարային դիաբետ (հակադիաբետիկ դեղեր),
• էպիլեպսիա (հակացնցումային դեղեր),
• սրտամկանի ինֆարկտ (դուրսգրման օրվանից առաջին 2 ամիսը՝ արյան կորոնար շրջանառությունը բարելավող դեղեր),
• պարբերական հիվանդություն (կոլխիցին և կամ այլ դեղեր),
• սրտի փականների արատներ (հակակոագուլյանտներ՝ պրոթեզավորումից հետո),
• մալարիա (հակամալարիային դեղեր),
• քրոնիկ երիկամային անբավարարություն (երիկամային փոխպատվաստման և (կամ) ծրագրային հեմոդիալիզի դեպքերում (ցիկլոսպորին, էրիթրոպոետին, մոֆետիլի միկոֆենոլատ և (կամ) դրանց համարժեք այլ դեղեր),
• Ֆենիլկետոնուրիա (ֆենիլալանին չպարունակող մանկական կեր) անհաս նորածինների շնչառական խանգարման համախտանիշ (բերակտանտ ակտիվ նյութ պարունակող դեղեր),
• մարդու իմունային անբավարարության (ՄԻԱՎ) վարակ (դեղեր, թեստեր),
• հիպոֆիզային գաճաճություն ախտանիշ (հորմոնային դեղեր),
• վիրուսային հեպատիտ Ց հիվանդություն (հակավիրուսային դեղեր),
• պատանեկան իդիոպաթիկ արթրիտ (դեղեր),
• առաջնային իմունոդեֆիցիտ (դեղեր),
• կավասակիի հիվանդություն (դեղեր),
• նյարդաբանական խնդիրներով պայմանավորված համախտանիշեր (դեղեր),
• ցրված սկլերոզ (դեղեր),
• անհաս նորածինների դեղեր:
  
  

Ներկայացվող պահանջները

Ծրագրի շրջանակում փոխհատուցում տրամադրվում է այն քաղաքացիներին, ովքեր ունեն հապատասխան հիվանդությունների ախտորոշումը։

Անհրաժեշտ փաստաթղթերը

Ծառայությունից օգտվելու համար անհրաժեշտ է ներկայացնել․

• անձնագիր կամ նույնականացման քարտ,
• դեղատոմս։