Առանձին սոցիալական կամ հատուկ խմբերի համար դեղորայքի արժեքի փոխհատուցում ստանալու համար անհրաժեշտ է այցելել տեղամասային պոլիկլինիկա։

Ծրագրի մասին

Ծրագրի շրջանակում առանձին սոցիալական կամ հատուկ խմբերի քաղաքացիներին հիվանդության դեպքում դեղերը հատկացվում են լրիվ կամ մասնակի փոխհատուցմամբ։

Դեղերը տրամադրվում են ըստ հիմնական դեղերի ցանկի:

Ներկայացվող պահանջները 

Այս ծրագրով դեղերի արժեքի լրիվ փոխհատուցման համար կարող են դիմել․ 

• ֆունկցիոնալության խորը, ծանր և մինջին աստիճանի սահմանափակումներ ունեցող անձինք,
• հաշմանդամություն ունեցող երեխաներ (մինչև 18 տարեկան),
• հայրենական պատերազմի մասնակիցներ և նրանց հավասարեցված անձինք,
• առանց ծնողական խնամքի մնացած երեխաներ, ինչպես նաև միակողմանի ծնողազուրկ երեխաներ (մինչև 18 տարեկան),
• բազմազավակ (մինչև 18 տարեկան չորս և ավելի անչափահաս երեխաներ ունեցող) ընտանիքների երեխաներ,
• ՀՀ պաշտպանության ժամանակ, ինչպես նաև ծառայողական պարտականությունները կատարելիս զոհված զինծառայողների ընտանիքների անդամներ,
• հաշմանդամություն ունեցող անձանցից բաղկացած ընտանիքների երեխաներ (մինչև 18 տարեկան),
• մինչև 7 տարեկան երեխաներ,
• ընտանիքի սոցիալական գնահատման համակարգում հաշվառված 28.01 և ավելի բարձր անապահովության միավոր ունեցող նպաստառուներ,
• արտակարգ իրավիճակներում կամ ՀՀ նկատմամբ օտարերկրյա պետության կողմից իրականացված ռազմական գործողությունների կամ ահաբեկչական գործողությունների արդյունքում տուժած անձինք կամ Լեռնային Ղարաբաղից բռնի տեղահանվածներ,
• 2020 թվականի սեպտեմբերի 27-ին Ադրբեջանի Հանրապետության կողմից ԼՂ-ում սանձազերծած պատերազմի ընթացքում վիրավորում ստացած անձինք՝ զինծառայողներ և ոչ զորահավաքային զորակոչով պատերազմի մասնակիցներ (կամավորներ),
• քրեակատարողական հիմնարկներում պահվող կալանավորված և ազատազրկման դատապարտված անձինք:

Դեղերի արժեքի մասնակի փոխհատուցման համար կարող են դիմել․ 

• Չեռնոբիլի վթարի վերացման աշխատանքների մասնակիցներ,
• բռնադատվածներ,
• միայնակ չաշխատող կենսաթոշակառուներ,
• միայն չաշխատող կենսաթոշակառուներից բաղկացած (այդ թվում՝ իրենց խնամքի տակ անչափահաս երեխա ունեցող) ընտանիքներ,
• միայնակ մայրերի երեխաներ (մինչև 18 տարեկան):