Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Էլեկտրոնային եղանակով եկամտային հարկի վերադարձի դիմում ներկայացնելու համար նախ անհրաժեշտ է գրանցվել «Անհատական հաշիվների տեղեկատվական պորտալ»-ում։

Գրանցվելու համար կա 2 տարբերակ՝ ֆիզիկապես և առցանց։ 

Ֆիզիկապես գրանցվելու համար անհրաժեշտ է՝ 

• ներկայանալ հարկ վճարողների սպասարկման ցանկացած բաժին,

• ներկայացնել անձը հաստատող փաստաթուղթ, հանրային ծառայությունների համարանիշ կամ տեղեկանք` դրա բացակայության վերաբերյալ,

• նշել էլեկտրոնային փոստի հասցե, որին ուղարկվելու է հղում՝ «Անհատական հաշիվների տեղեկատվական պորտալ» մուտք գործելու համար։ 

Առցանց գրանցվելու համար անհրաժեշտ է՝

• ունենալ էլեկտրոնային ստորագրություն,

• գրանցվել «Անհատական հաշիվների տեղեկատվական պորտալ»-ում,

• լրացնել պահանջվող անձնական տվյալները (անհրաժեշտ է լրացնել ՊԱՐՏԱԴԻՐ հայերեն)

• ներբեռնել լրացված հայտը,

• էլեկտրոնային եղանակով ստորագրել այն, 

• ստորագրված հայտը վերբեռնել համակարգ,

• գրանցվելուց հետո անցնել էլեկտրոնային փոստի հասցեին ուղարկված հղումով,

• լրացնել ՀԾՀ-ն, ստեղծել օգտվողի անուն ու գաղտնաբառ և գրանցվել։

Գրանցվելուց հետո եկամտային հարկի վերադարձի դիմում ներկայացնելու համար անհրաժեշտ է՝

• մուտք գործել անձնական տվյալներով ստեղծված էջը,

• «Եկամտային հարկի վերադարձի դիմումների գրանցամատյան»-ում ստեղծել նոր դիմում,

• Էլեկտրոնային դիմումում լրացնել հեռախոսահամարը, հաշվետու այն ժամանակահատվածը, որի համար դիմում է ներկայացվում, և գործող բանկային հաշվեհամարը, որին փոխանցվելու է գումարը,

• պարտադիր նշել «Բանկային հաշվեհամարի ստուգման համաձայնություն տալու» դաշտը:

• սեղմել «Հանձնել ՊԵԿ կոճակը»։

Անհրաժեշտ է հիշել, որ եկամտային հարկի գումարները վերադարձվում են 3 ամիսը մեկ անգամ՝ սահմանված ընթացակարգով։

Միևնույն հիպոթեքային վարկի շրջանակներում եկամտային հարկի վերադարձից կարող է օգտվել տվյալ ընտանիքի միաժամանակ 5 անդամ, ովքեր պետք է լինեն բնակարանի համասեփականատեր։

Էլեկտրոնային հարթակի միջոցով եկամտային հարկի վերադարձի գումարները կվերադարձվեն 3 աշխատանքային օրվա ընթացքում։ Սովորաբար դա տևում է մի քանի ժամ։ 

Ուշադրություն
Համակարգում «Եկամտային հարկը վճարված չէ» հաղորդագրությունը նշանակում է, որ գործատուն դեռ չի ներկայացրել և չի վճարել անհրաժեշտ հարկերը հարկային մարմնին։ Անհրաժեշտ է մի փոքր սպասել, մինչև գումարը կփոխանցվի հաշվեհամարին։