Պալիատիվ բժշկական օգնություն ստանալու համար պետք է դիմել տեղամասային պոլիկլինկաներ, կատարել տնային կանչեր, դիմել հոսպիսին կամ այլ համապատասխան բժշկական հաստատություններ՝ կախված պացիենտի վիճակից։

ՀՀ մարզերում պետական պատվերի շրջանակներում արտահիվանդանոցային պալիատիվ բժշկական օգնության ծառայություն մատուցվում է ՀՀ Արարատի, Արմավիրի, Կոտայքի, Տավուշի, Արագածոտնի, Վայոց ձորի մարզերում:

Ծրագրի մասին

Պալիատիվ բուժօգնությունը կամ խնամքը տրամադվում է հետևյալ եղանակներով․ 

• արտահիվանդանոցային պալիատիվ բուժօգնության ծառայությունները տրամադրվում են պոլիկլինիկաներում՝ տվյալ հաստատության աշխատանքային ժամերին, այդ թվում՝ տնային կանչերի միջոցով։
• շարժական (մոբիլ) պալիատիվ բուժօգնությունը կարող է տրամադրվել արտահիվանդանոցային կամ հիվանդանոցային բժշկական օգնություն և սպասարկում իրականացնող բժշկական հաստատության կազմում՝ այն մատուցելով նաև հիվանդի տանը, 
• հիվանդանոցային (ստացիոնար) պալիատիվ բուժօգնության շրջանակում պացիենտների հիվանդանոցային բուժումն իրականացվում էհամապատասխան լիցենզիա ունեցող հաստատություններում,
• պալիատիվ բուժօգնությունը հոսպիսներում (պալիատիվ խնամքի մասնագիտացված կենտրոններ) տրամադրվում է հիվանդությունների զարգացման վերջին փուլում գտնվող այն պացիենտներին, որոնց համար անհրաժեշտ է հիվանդանոցային երկարատև խնամք։