Ծրագրից օգտվելու համար անհրաժեշտ է կատարել «Շարունակել» կոճակը սեղմելուց հետո․

• գրանցվել կամ մուտք գործել ՀՀ ՊԵԿ հաշվետվությունների ներկայացման էլեկտրոնային համակարգ,
• ՀՎՀՀ չունենալու դեպքում ստանալ այն՝ ներկայացնելով հարկային մարմնում հաշվառման կանգնելու առցանց դիմում,
• «Հաշվետվություններ» բաժնում լրացնել 282-րդ հայտը (անվանում՝ «Մշակող արդյունաբերության ոլորտում աշխատողների ներգրավման վերաբերյալ»)՝  ծրագրին համապատասխանելիությունը ստուգելու համար։
  
  

Ներկայացվող պահանջները

Միջոցառման շրջանակներում փոխհատուցում կտրամադրվի մշակող արդյունաբերության ոլորտի այն կազմակերպություններին կամ անհատ ձեռնարկատերերին, որոնք աշխատանքի կընդունեն ՀՀ այն քաղաքացիներին, որոնք․

• 12 ամիս անընդմեջ տնտեսավարողի հետ գտնվել են աշխատանքային հարաբերությունների մեջ, 
• աշխատանքային հարաբերությունների մեջ մտնելուն նախորդող 3 տարվա ընթացքում չեն աշխատել մշակող արդյունաբերության ոլորտում։

Լեռնային Ղարաբաղից բռնի տեղահանված անձանց դեպքում չափորոշիչներ չեն սահմանվում․ աջակցությունը տրամադրվում է աշխատանքի ընդունված յուրաքանչյուր անձի համար։