Նախնական մասնագիտական կրթական ծրագրի իրականացման լիցենզիա ստանալու հայտ ներկայացնելու համար լիցենզավորման պահանջներին բավարարող իրավաբանական անձինք պետք է պահանջվող փաստաթղթերն ուղարկեն ստորև նշված էլեկտրոնային հասցեներից որևէ մեկին՝

• info@escs.am

• secretariat@escs.am

Ներկայացվող պահանջները

Նախնական մասնագիտական կրթական ծրագրի իրականացման լիցենզիա ստանալու համար իրավաբանական անձը պետք է բավարարի մի շարք պարտադիր պահանջների, որոնք վերաբերում են՝

• հիմնական մանկավարժական, դասախոսական և արտադրական ուսուցման վարպետների կազմին,

• ուսումնական տարածքի և լաբորատոր բազայի ապահովվածությանը,

• ուսումնամեթոդական ապահովվածությանը,

• գրադարանային-տեղեկատվական համակարգին,

• պրակտիկայի հետ կապված պայմանագրերի առկայությանը բնագավառի բազային հաստատությունների հետ։

Պահանջվող փաստաթղթերը

Նշված էլ. փոստի հասցեներից որևէ մեկին անհրաժեշտ է ուղարկել հետևյալ փաստաթղթերը՝

• լիցենզիա ստանալու հայտ, 

• հասարակական շինությունների նպատակային նշանակությանը համապատասխան այն տարածքի սեփականության, վարձակալության կամ անհատույց օգտագործման իրավունքի գրանցման վկայականի պատճենը, որտեղ իրականացվելու է նախնական մասնագիտական կրթական ծրագիրը,

• տեղեկանք մանկավարժական, դասախոսական և արտադրական ուսուցման վարպետների կազմի մասին, 

• տեղեկանք նախնական մասնագիտական կրթական ծրագրի իրականացման համար զբաղեցրած տարածքների մասին,

• տեղեկանք ուսումնական գործընթացի գրադարանային-տեղեկատվական ապահովվածության մասին,

• տեղեկանք ուսումնական և արտադրական, իսկ բժշկական կրթական ծրագրերի համար կլինիկական պրակտիկայի ապահովվածության վերաբերյալ,

• կրթական ծրագրերի մասնագիտությունների ուսումնական պլանը, առարկայական ծրագրերի ցանկը,

• սովորողների ընդունելության, փոխադրման, տեղափոխման ավարտական ամփոփիչ ատեստավորման (քննությունների) կարգերը:

Ներկայացվող պահանջների մանրամասները և փաստաթղթերի ձևն ու բովանդակությունը ներկայացված են ՀՀ կառավարության՝ 2009 թվականի հուլիսի 9-ի N 808-Ն որոշման Հավելված 11-ում։ Որոշումը հնարավոր է գտնել arlis.am-ում։

Վճարման չափը և կարգը

Լիցենզավորման համար 30,000 ՀՀ դրամ պետական տուրքն անհրաժեշտ է վճարել որոշման մասին տեղեկացվելուն հաջորդող 5 աշխատանքային օրվա ընթացքում։

Վճարումն իրականացվում է հետևյալ եղանակներից մեկով՝

• E-payments համակարգի միջոցով,

• բանկային փոխանցման միջոցով ՀՀ պետական բյուջեի հաշվեհամարին՝ 900005160420։ Փոխանցման նպատակի դաշտում պետք է նշել «Լիցենզիա ստանալու համար»։

Տրամադրման ժամկետը և կարգը

Լիցենզիան տրվում է լիցենզավորող հանձնաժողովի եզրակացության հիման վրա՝ նախարարի որոշմամբ, դիմումը ներկայացնելուց հետո 23 աշխատանքային օրվա ընթացքում։ Լիցենզիան տրվում է մեկ օրինակով, անժամկետ։ Այն ստանալու համար անհրաժեշտ է ֆիզիկապես այցելել ՀՀ կրթության, գիտության, մշակույթի և սպորտի նախարարություն։

Հղում օրենսդրությանը

• «Լիցենզավորման մասին» ՀՀ օրենք

• «Պետական տուրքի մասին» ՀՀ օրենք

• ՀՀ կառավարության՝ 2009 թվականի հուլիսի 9-ի N 808-Ն որոշում

Իրավական ակտերը հնարավոր է գտնել Arlis.am-ում։