Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

ՀՀ մարզերում (առայժմ միայն Արարատի, Արմավիրի, Կոտայքի և Լոռու մարզերն են սպասարկվում) ընդգրկված անշարժ գույքի քանդման կամ ապամոնտաժման թույլտվություն ստանալու համար անհրաժեշտ է․

• անցնել «ԵսԵմ» նույնականացում,
• դիմորդի էջում լրացնել անհրաժեշտ տվյալները,
• ընտրել քանդման թույլտվություն ստանալու ենթակա գույքը,
• հերթականությամբ լրացնել անհրաժեշտ տվյալները և հանձնել դիմումը։ 
  
  

Ներկայացվող պահանջները

Շինարարական օբյեկտի քանդման աշխատանքների դիմում ներկայացնելու համար անհրաժեշտ է ունենալ պետական գրանցում ստացած հողատարածք կամ անշարժ գույք և դրա սեփականության իրավունքի վկայականը։

Պահանջվող փաստաթղթերը

Շինարարական օբյեկտի քանդման աշխատանքների դիմումի համար անհրաժեշտ է ներկայացնել հետևյալ փաստաթղթերը․

• դիմողի անձը հաստատող փաստաթուղթը` ֆիզիկական անձի դեպքում (իրավաբանական անձի դեպքում՝ պետական ռեգիստրի գրանցման քաղվածքը), իսկ կառուցապատողի փոխարեն իր օրինական ներկայացուցչի հանդես գալու դեպքում՝ համապատասխան լիազորագիրը,
• օբյեկտի քանդման նախագծային փաստաթղթերը,
• փորձաքննության դրական եզրակացությունը կամ նախագծային աշխատանքներ իրականացնող կապալառուի գրավոր երաշխավորագիրը,
• անշարժ գույքի սեփականության իրավունքի գրանցման վկայականի պատճենը։
  
  

Տրամադրման կարգը և ժամկետը

• Դիմելուց հետո տրամադրված էլեկտրոնային փոստի հասցեին և հեռախոսահամարին դիմողն անմիջապես ստանում է ծանուցում, որտեղ նշված է թվային ծածկագիր, որի միջոցով հնարավոր է առցանց հետևել դիմումի ընթացքին։ 
• Շինության քանդման, ապամոնտաժման թույլտվության համար գանձվող տեղական տուրքի չափը որոշում է տվյալ համայնքի ավագանին։ 
• Շինության քանդման, ապամոնտաժման թույլտվությունը տրամադրվում է դիմումը ներկայացնելուց հետո մինչև 15 աշխատանքային օրվա ընթացքում։

Ուշադրություն

Կառուցապատողը պարտավոր է շինարարության քանդման աշխատանքները սկսելուց առնվազն 3 օր առաջ այդ մասին համապատասխան տեղեկանքով իրազեկել  համայնքապետարանին։ 

Հղում օրենսդրությանը

• «Քաղաքաշինության մասին» ՀՀ օրենք

• «Պետական տուրքի մասին» ՀՀ օրենք

• ՀՀ կառավարության՝ 2015 թվականի մարտի 19-ի N 596-Ն որոշում

• ՀՀ Երևան քաղաքի ավագանու՝ 2023 թվականի դեկտեմբերի 26-ի N 42-Ն որոշում

Իրավական ակտերը հնարավոր է գտնել arlis.am-ում։