Բնակարանի գնման իրավունքի պայմանագիրը ստորագրելու համար պետք է այցելել նոտարական գրասենյակ: Պայմանագրի կողմերն են՝ գնորդը, կառուցապատողը և վարկառուն։ Նոտարական գրասենյակում կնքվում է եռակողմ պայմանագիր։ Գնորդը ձեռք է բերում անշարժ գույքը գնելու իրավունք՝ որպես սեփականություն գնորդին կառուցապատման ավարտից հետո հանձնվելու պայմանով՝ ըստ պայմանագրով սահմանվող ժամկետների։ 

Ներկայացվող պահանջները

Բնակարանի գնման իրավունքի պայմանագիրը կնքելու համար անհրաժեշտ է ունենալ․

• անձը հաստատող փաստաթուղթ,
• բանկի հետ կնքված հիփոթեքային վարկի պայմանագիր։

Պայմանագրում նշվում են՝

• կողմերի անձնական տվյալները,
• կառուցվող շենքի մասին տվյալներ,
• կողմերի իրավունքներն ու պարտականությունները,
• վաճառքի գինը և վճարման կարգը,
• շինարարության ավարտի և ուշացման հնարավոր ժամկետը, այն տույժի ձևը, որը կարող է կրել կառուցապատողը ժամկետների խախտման պարագայում,
• անշարժ գույքի վիճակը գնորդին հանձնելու պահին (ներքին պատերի բաժանում, լուսամուտների դռների տեղադրում, կոմունիկացիաների մոնտաժում և այլն)։ 
  
  

Տրամադրման կարգն ու ժամկետը

• Բանկի ներկայացուցիչը գնորդին նախապես տեղեկացնում է նոտարական գրասենյակում պայմանագրի կնքամն ժամկետների մասին։ 
• Պայմանագրին պարտադիր կցվում է կառուցվող շինության հատակագիծը, ստորագրում են 3 կողմերը, վավերացնում է նոտարը։
• Բնակարանի գնման իրավունքի պայմանագիրը տրամադրվում է անմիջապես։

Ուշադրություն

Բնակարանի գնման իրավունքի ձեռքբերման պայմանագիրը կնքելուց հետո 30 աշխատանքային օրվա ընթացքում պարտադիր պետք է դիմել Կադաստրի պետական կոմիտե՝ գնման իրավունքը գրանցելու նպատակով։  

Վճարման չափն ու կարգը

Բնակարանի գնման իրավունքի ձեռքբերման պայմանագրի համար անհրաժեշտ վճարների մասին ամբողջական տեղեկատվությունը հնարավոր է ստանալ նոտարական գրասենյակում կամ բանկի ներկայացուցչի միջոցով։