Երևանում`

• Առողջապահության նախարարության «Կախվածությունների բուժման ազգային կենտրոն» ՓԲԸ (hասցե՝ Աճառյան փող. 2-րդ փակուղի, 2 շենք, hեռ.` +374 10 617090)։

 Մարզերում՝

• «Գյումրու հոգեկան առողջության կենտրոն» ՓԲԸ (Շիրակի մարզ, Գյումրի,
  Ղարսի խճուղի, 2ա շենք),
• «Լոռու մարզային հոգենյարդաբանական դիսպանսեր» ՓԲԸ (Լոռու մարզ, Վանաձոր,
  Գարեգին Նժդեհի փողոց, 57 շենք),
• «Սյունիքի մարզային նյարդահոգեբուժական դիսպանսեր» ՓԲԸ (Սյունիքի մարզ, Կապան,
  Բաղաբերդի փողոց, 48 շենք),
• «Սևանի հոգեկան առողջության կենտրոն» ՓԲԸ (Գեղարքունիքի մարզ, Սևան,
  Կարմիր Բանակի փողոց, 68 շենք)։

Հանրապետության այն տարածաշրջաններում, որտեղ չկան համապատասխան դիսպանսերներ, ծառայությունները մատուցվում են տարածաշրջանային պոլիկլինիկաների հոգեբուժական կամ թմրաբանական կաբինետների միջոցով:

Ծրագրի մասին 

Այս ծրագրի շրջանակում անվճար բժշկական օգնությունն ու սպասարկումն ընդգրկում է հիվանդների անվճար դիսպանսերային հսկողության կազմակերպման հետևյալ ծավալները․ 

• կամավոր դիսպանսերային հսկողություն,
• հարկադիր դիսպանսերային հսկողություն,
• կամավոր արտահիվանդանոցային պայմաններում բուժում,
• հարկադիր արտահիվանդանոցային պայմաններում բուժում,
• կամավոր պահպանողական բուժում,
• հարկադիր պահպանողական բուժում,
• կամավոր փոխարինող բուժում՝ սոցիալապես անապահով և հատուկ խմբերի ցանկում ընդգրկված անձանց, ինչպես նաև՝ մարդու իմունային անբավարարության վիրուսով (ՄԻԱՎ-ով) պացիենտների,
• ըստ ցուցումների` լաբորատոր-գործիքային ախտորոշիչ հետազոտությունների անցկացում,
• դատաթմրաբանական փորձաքննության անցկացում,
• սթափության վիճակի զննություն,
• մարդու կենսամիջավայրում հոգեներգործուն նյութերի հայտնաբերման թունաքիմիական հետազոտություն:
   

Վճարովի պայմաններով դիսպանսերային հսկողության կազմակերպումն ու իրականացումը կարող է կատարվել ՀՀ քաղաքացիությունը հավաստող փաստաթղթի բացակայությամբ և ընդգրկում է.

• կամավոր փոխարինող բուժում (սոցիալապես անապահով և հատուկ խմբերի ցանկում չընդգրկված անձանց),
• լաբորատոր-գործիքային ախտորոշիչ հետազոտությունների իրականացում և թմրաբանական հիվանդությունների բացակայության վերաբերյալ տեղեկանքի տրամադրում,
• թմրաբանական բժշկական օգնություն և սպասարկում իրականացնող բժշկական հաստատություններում հաշվառման վերաբերյալ տեղեկանքի տրամադրում,
• չճշտված ախտորոշման դեպքում` լաբորատոր-գործիքային ախտորոշիչ հետազոտությունների իրականացում,
• խորհրդատվություն՝ նիկոտինային կախվածություն ունեցող անձանց համար:
  
  

Անվճար և հիվանդանոցային պայմաններում թմրաբանական բժշկական օգնությունը և սպասարկումը ընդգրկում է․

• կամավոր բուժում,
• հարկադիր բուժում,
• դատաբժշկական փորձաքննություն,
• զորակոչային տարիքի անձանց բժշկական հետազոտություն,
• թմրաբանական հետազոտություն` հիվանդանոցային պայմաններում ախտորոշումը ճշտելու նպատակով:
   

Պահանջվող փաստաթղթերը 

Պլանային կարգով պացիենտի հոսպիատալացման դեպքում անհրաժեշտ են՝

• ՀՀ քաղաքացու անձնագիր  կամ նույնականացման քարտ,
• հանրային ծառաությունների համարանիշ (ՀԾՀ),
• թմրաբանական բժշկական օգնության և սպասարկման ծառայություններ մատուցող բժիշկի խորհրդատվության հիման վրա ընտանեկան բժշկի կամ թերապևտի կողմից տրված ուղեգիր։

Անհետաձգելի բժշկական օգնություն պահանջող վիճակների հոսպիտալացման ժամանակ փաստաթղթեր ներակայացնելը պարտադիր չէ։ 

Անհետաձգելի բժշկական օգնություն և սպասարկում պահանջող վիճակից դուրս գալուց հետո բուժումը անվճար շարունակելու համար պացիենտը պետք է ներկայացնի՝

• ՀՀ քաղաքացու անձնագիր,
• հանրային ծառայությունների համարանիշ (ՀԾՀ),
• իր գրավոր համաձայնությունը։ 

Եթե անձը չի ներկայացնում ՀՀ քաղաքացիությունը հավաստող փաստաթղթեր, կամավոր ամբուլատոր բուժումը և կամավոր պահպանողական բուժումն իրականացվում են վճարովի հիմունքներով և մեծահասակի ամբուլատոր բժշկական քարտում պացիենտի անուն, ազգանուն, հայրանուն, տարիք և բնակության վայր տողերը լրացվում են պացիենտի կամ կոնտակտային անձի խոսքերից՝ նրան նշելով որպես չնույնականացված պացիենտ։

Վճարման չափը և կարգը

Աջակցության ծրագրի շրջանակում գործող վճարովի ծառայությունների վճարման չափն ու կարգը կարգավորվում են բժշկական հաստատության կողմից։

Տրամադրման կարգը և ժամկետները

Անհետաձգելի բժշկական օգնություն և սպասարկում պահանջող վիճակների դեպքում պացիենտների հոսպիտալացումն իրականացվում է շուրջօրյա: Ընդ որում՝ ալկոհոլային հարբածությունը չի համարվում անհետաձգելի վիճակ։ Մնացած դեպքերում ծառայությունը մատուցվում է աշխատանքային օրերին և ժամերին։