Ուղղաթիռով հիվանդին տեղափոխման անհրաժեշտության մասին համապատասխան բժշկական հաստատության տնօրենը պետք է տեղեկացնի «Էրեբունի բժշկական կենտրոն» ՓԲԸ-ին (010-47-70-70 կամ 8119) հեռախոսահամարով։

Ընդ որում՝ դա պետք է կատարվի հիվանդի հարազատներին տեղեկացնելուց և նրանց գրավոր
համաձայնությունը ստալուց հետո՝ առավելագույնը 15 րոպեի ընթացքում։

Ծրագրի մասին

Այս ծառայությունը բնակչությանը տրամադրվում է առողջապահական ոլորտի պետական պատվերի (անվճար) շրջանակում։  

Ներկայացվող պահանջները

Ուղղաթիռով պացիենտին տեղափոխել հնարավոր է ՀՀ Լոռու, Շիրակի, Վայոց ձորի, Գեղարքունիքի, Տավուշի, Սյունիքի մարզերի բժշկական կազմակերպություններից ստացած կանչերի հիման, եթե հիվանդի մոտ առկա են՝ 

• գանգուղեղային և ողնաշարի ծանր վնասվածքներ` տրավմատիկ շոկի ուղեկցումով,

• պոլիտրավմա (խոշոր ոսկրերի և/կամ ներքին օրգանների համակցված վնասվածքներ),

• կյանքին վտանգ սպառնացող ուղեղի արյան շրջանառության սուր խանգարում`
  գիտակցության կորստով,

• կենդանիների խայթոցից, դեղորայքային և քիմիական նյութերով թունավորումներ (էկզոգեն` պոլիօրգանային անբավարարության ախտանիշներով),

• մարմնի արտաքին ծածկույթի 3-րդ, 4-րդ աստիճանների այրվածքներ, այրվածքային
  հիվանդություն,

• ինֆեկցիոն-տոքսիկ շոկով ուղեկցվող հիվանդություններ և վիճակներ,

• կյանքին վտանգ սպառնացող անհայտ էթիոլոգիայի գիտակցության կորուստ,

• հղիներ և ծննդկաններ, որոնց կյանքին վտանգ է սպառնում,

• ռեսպիրատոր դիսթրես սինդրոմ` ծանր աստիճանի (նորածնային շրջանում),

• սուր երիկամային անբավարարություն (մինչև 18 տարեկան երեխաների դեպքում),

• սրտային անբավարարություն, պարոքսիզմալ տախիկարդիա (մինչև 18 տարեկան
  երեխաների դեպքում),

• կոմա` անհայտ էթիոլոգիայի (մինչև 18 տարեկան երեխաների դեպքում),

• գլխուղեղի սպոնտան արյունազեղումներ (մինչև 18 տարեկան երեխաների դեպքում)։
  
  

Տրամադրման ժամկետը և արժեքը

Ծառայությունը տրամադրվում է անհապաղ։

Հղում օրենսդրությանը

ՀՀ առողջապահության նախարարի 2019 թվականի մարտի 18-ի N 611-Ա հրաման

Հրամանը հնարավոր է գտնել ՀՀ առողջապահության նախարարության moh.am կայքում։