Հարթակը մշակման փուլում է․ ձեր կարծիքը կօգնի մեզ բարելավել այն:
Դիմել զորացրված գործազուրկ անձանց համար զբաղվածության ծրագրին
Ծրագրի շրջանակներում աջակցություն է տրամադրվում ռազմական գործողություններին մասնակցած, ինչպես նաև ժամկետային պարտադիր զինվորական ծառայությունից զորացրված գործազուրկ անձանց, որպեսզի վերջիններս ձեռք բերեն գործատուի կողմից ներկայացված պահանջներին համապատասխան մասնագիտական հմտություններ և կարողություններ՝ գործատուի մոտ առկա թափուր աշխատատեղը համալրելու համար։
Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։
Զորացրված գործազուրկ անձանց համար զբաղվածության ծրագրին դիմելու համար անհրաժեշտ է՝
- www.workforall.am-ում ստեղծել անհատական հաշիվ՝ սեղմելով «Գրանցվել համակարգում» պատուհանի վրա և մուտքագրելով անհրաժեշտ տվյալները,
- ստեղծել ինքնակենսագրական՝ մուտքագրելով պահանջվող տեղեկատվությունը,
- անհատական հաշիվ ստեղծելուց հետո բացված պատուհանից ընտրել «Ադրբեջանի կողմից 2016, 2020 և 2022 թվականներին սանձազերծված ռազմական գործողություններին մասնակցած, ինչպես նաև 2020 թվականից հետո ժամկետային պարտադիր զինվորական ծառայությունից զորացրված գործազուրկ անձանց մասնագիտական ուսուցման կազմակերպման և զբաղվածության ապահովման ծրագիր» տարբերակը,
- «Դիմել» դաշտում լրացնել անհրաժեշտ տվյալները։
Ներկայացվող պահանջները
Ծրագրին կարող են դիմել Ադրբեջանի կողմից 2016, 2020 և 2022 թթ․ սանձազերծված ռազմական գործողություններին մասնակցած, ինչպես նաև 2020 թվականից հետո ժամկետային պարտադիր զինվորական ծառայությունից զորացրված գործազուրկ քաղաքացիները։
Պահանջվող փաստաթղթերը
Ծրագրին դիմելու համար անհրաժեշտ է ներկայացնել հետևյալ փաստաթղթերը.
- անձնագիր կամ նույնականացման քարտ,
- նույնականացման քարտ չունենալու դեպքում՝ բնակչության պետական ռեգիստր վարող մարմնի կողմից տեղեկանքի տեսքով հատկացված հանրային ծառայությունների համարանիշ (ՀԾՀ) կամ այն չստանալու մասին տեղեկանք, իսկ դրանց բացակայության դեպքում՝ սոցիալական ապահովության քարտ,
- կրթությունը, մասնագիտական որակավորումը հավաստող համապատասխան փաստաթղթեր (եթե առկա են),
- աշխատանքային գրքույկ կամ աշխատանքային գործունեության մասին տեղեկությունները հաստատող այլ փաստաթղթեր կամ արխիվային տեղեկանքներ, եթե աշխատանք փնտրող անձը գործատուների հետ գտնվել կամ գտնվում է աշխատանքային հարաբերությունների մեջ,
- զինվորական գրքույկ,
- գրավոր դիմում` նշելով հետադարձ կապի հասցեն (հեռախոսահամար, էլեկտրոնային փոստի հասցե):
Ծրագիրն իրականացվում է 3 ուղղություններով
1. Մասնագիտական ուսուցում (մինչև 5 ամիս)
Շահառուն ստանում է՝
- ուսման վարձի փոխհատուցում՝ ամսական մինչև 50,000 դրամ,
- կրթաթոշակ՝ նվազագույն աշխատավարձի 50%։
Ուսման ավարտից հետո գործատուն պետք է կնքի 1 տարվա աշխատանքային պայմանագիր, որի համար գործատուն ամսական ստանում է մինչև 50,000 դրամ աջակցություն՝ հարկերի փոխհատուցման համար։
2. Աշխատանքային փորձառություն
Գործատուն ստանում է՝
- շահառուի աշխատավարձի փոխհատուցում՝ նվազագույն աշխատավարձի չափով (3 ամիս),
- հարկերի փոխհատուցում՝ ամսական մինչև 25,000 դրամ (3 ամիս),
- հարկերի փոխհատուցում՝ ամսական մինչև 50,000 դրամ (հաջորդ 9 ամիսների համար)։
3. Միանվագ փոխհատուցում
Գործատուն ստանում է 300,000 դրամ, եթե կնքում է 1 տարվա աշխատանքային պայմանագիր շահառուի հետ։
Հղում օրենսդրությանը
- ՀՀ Կառավարության 21 հուլիսի 2022 թվականի N 1179-Լ որոշում։
- ՀՀ Կառավարության 16 հունիսի 2023 թվականի N 968-Լ որոշում։
Իրավական ակտերը հնարավոր է գտնել arlis.am-ում։
09:00-18:00
(+374) 010 56-53-83
09:00-18:00
(+374) 010 56-53-83