Բուժաշխատողի շարունակական մասնագիտական զարգացման հավաստագիր ստանալու համար անհրաժեշտ է testing@nih.am էլեկտրոնային փոստի հասցեին ուղարկել դիմում՝ կցելով պահանջվող փաստաթղթերը։

Ներկայացվող պահանջները

Դիմել կարող են այն բուժաշխատողները, որոնք վերջին 5 տարվա ընթացքում առնվազն 3 տարի աշխատել են մասնագիտությամբ և ունեն անհրաժեշտ միավորները՝ ըստ հետևյալի․

• ավագ բուժաշխատող՝ 220 միավոր,
• դեղագետ՝ 160 միավոր,
• միջին բուժաշխատող՝ 140 միավոր,
• դեղագործ՝ 100 միավոր։
  
  

Նշված միավորները կուտակվում են բուժաշխատողի տարեկան գործունեությունից, օրինակ՝ վերապատրաստում արտերկրում, գիտական աշխատանքներ և այլն։

Պահանջվող փաստաթղթերը

Հավաստագիրը ստանալու համար անհրաժեշտ է ներկայացնել հետևյալ փաստաթղթերը․

• դիմում,
• անձնագիր կամ նույնականացման քարտ,
• դիպլոմ,
• տեղեկանք աշխատավայրից,
• շարունակական մասնագիտական զարգացման միավորների ստացման փաստը հաստատող տեղեկանք։
  
  

Տրամադրման կարգը և ժամկետը

• Բուժաշխատողի շարունակական մասնագիտական զարգացման հավաստագրի դիմումը հաստատվում կամ մերժվում է դիմելուց հետո 5 աշխատանքային օրվա ընթացքում։
• Փաստաթղթերը թերի ներկայացնելու դեպքում մասնակիցը ծանուցվում է այդ մասին, և նրան առաջարկվում է 3 օրվա ընթացքում ներկայացնել պակասող փաստաթղթերը։ Դրանք չներկայացնելու պարագայում դիմումը մերժվում է։
• Թեստի անցողիկ նվազագույն շեմը հաղթահարած մասնակցին 2 աշխատանքային օրվա ընթացքում հատկացվում է շարունակական մասնագիտական զարգացման հավաստագիր:

Հղում օրենսդրությանը

• ՀՀ Կառավարության՝ 2021 թվականի օգոստոսի 18-ի N 1369-Ն որոշում
• ՀՀ «Բնակչության բժշկական օգնության և սպասարկման մասին» օրենք

Իրավական ակտերը հնարավոր է գտնել arlis.am-ում։