Ստորև նշված քայլերը անհրաժեշտ է կատարել «Շարունակել» կոճակը սեղմելուց հետո:

Երևան քաղաքի վարչական տարածքին պատկանող տարածքի կամ շինության կառուցապատման ավարտական ակտը ստանալու համար անհրաժեշտ է.

• այցելել yerevan.am,
• ընտրել «Մեկ պատուհան» բաժինը, 
• «Կառուցապատման թույլտվությունների և քաղաքաշինական փաստաթղթերի դիմումներ» պատուհանից ընտրել «Ավարտական ակտի (շահագործման թույտվության) ձևակերպման վերաբերյալ դիմում /Ձև 3-3-1/» ծառայությունը,
• ծանոթանալ ներկայացված փաստաթղթերի ցանկին, բեռնվող փաստաթղթին և ձևանմուշին,
• սեղմել «Ուղարկել առցանց դիմում կոճակը»,
• լրացնել տվյալները կամ անցնել «ԵսԵմ» նույնականացում,
• ընտրել դիմողի տեսակը՝ ֆիզիկական կամ իրավաբանական անձ,
• լրացնել պահանջվող տվյալները, կցել անհրաժեշտ փաստաթղթերը և հանձնել դիմումը (պետք է կցել լրացված և ստորագրված դիմումը PDF, իսկ այլ կից ֆայլերը՝ PDF և JPEG ձևաչափերով, մեկ ֆայլի առավելագույն ծավալը՝ 50 MB)։
  
  

Պահանջվող փաստաթղթերը

Կառուցապատման ավարտական ակտը ստանալու համար անհրաժեշտ է ներկայացնել․

• դիմողի անձը հաստատող փաստաթղթի պատճենը՝ ֆիզիկական անձի դեպքում (իրավաբանական անձի դեպքում՝ պետական ռեգիստրի գրանցման վկայականի պատճենը), իսկ կառուցապատողի փոխարեն իր օրինական ներկայացուցչի հանդես գալու դեպքում՝ նաև համապատասխան լիազորագիրը,
• ընդունող հանձնաժողովի ակտը (ձև N 3-2-1),
• կատարողական փաստաթղթերի ցանկը կամ շինությունը շահագործման ենթակա լինելու վերաբերյալ համապատասխան տեխնիկական հետազննության դրական եզրակացությունը,
• ավարտական ակտի և շահագործման թույլտվության ձևակերպման համար վճարումների անդորրագրերի բնօրինակները:
  
  

Տրամադրման կարգը և ժամկետը

• Դիմելուց հետո տրամադրված էլեկտրոնային փոստի հասցեին և հեռախոսահամարին դիմողն անմիջապես ստանում է ծանուցում, որտեղ նշված է թվային ծածկագիր, որի միջոցով հնարավոր է առցանց հետևել դիմումի ընթացքին։ 
• Կառուցապատման ավարտական ակտը տրամադրվում է դիմումը ներկայացնելուց հետո մինչև 5 աշխատանքային օրվա ընթացքում՝ ըստ շինության ռիսկայնության 1-ից 4-րդ աստիճանի, որը սահմանում է ՀՀ քաղաքաշինության կոմիտեն։
• Որոշ դեպքերում հնարավոր է կառուցապատման ավարտական ակտը քաղաքապետարանի կողմից տրամադրվի 1-3 ամսվա ընթացքում։
  
  

Վճարման չափը և կարգը

Ավարտական ակտի համար անհրաժեշտ է վճարել․

• 50,000 ՀՀ դրամ` մինչև 100 քառակուսի մետր ընդհանուր մակերես ունեցող շենքերի և շինությունների դեպքում,
• 100,000 ՀՀ դրամ` 100-ից մինչև 500 քառակուսի մետր ընդհանուր մակերես ունեցող շենքերի և շինությունների դեպքում,
•  200,000 ՀՀ դրամ` 500-ից մինչև 1,500 քառակուսի մետր ընդհանուր մակերես ունեցող շենքերի և շինությունների դեպքում, 
• 300,000 ՀՀ դրամ` 1,500-ից և ավելի քառակուսի մետր ընդհանուր մակերես ունեցող շենքերի և շինությունների դեպքում։
  
  

Բացի ավարտական ակտից՝ անհրաժեշտ է վճարել նաև շահագործման թույլտվության համար հետևյալ կերպ․

• 25,000 ՀՀ դրամ՝ մինչև 100 քառակուսի մետր ընդհանուր մակերես ունեցող շենքերի և շինությունների դեպքում, 
• 50,000 ՀՀ դրամ՝ 100-ից մինչև 500 քառակուսի մետր ընդհանուր մակերես ունեցող շենքերի և շինությունների դեպքում,
• 100,000 ՀՀ դրամ՝ 500-ից մինչև 1,500 քառակուսի մետր ընդհանուր մակերես ունեցող շենքերի և շինությունների դեպքում,
• 150,000 ՀՀ դրամ՝ 1,500-ից և ավելի քառակուսի մետր ընդհանուր մակերես ունեցող շենքերի և շինությունների դեպքում։
  
  

Ավարտական ակտի և շահագործման թույլտվության համար սահմանված տեղական տուրքերը վճարվում են Երևանի քաղաքապետարանի «Մեկ Պատուհան» գրասենյակում։ Հայտատուն կարող է նաև «Մեկ պատուհան» գրասենյակից ստանալ համապատասխան հաշվեհամարը և վճարումը կատարել բանկում։

Կախված շինարարկան օբյեկտի ռիսկայնության կատեգորիայից և դրա գտնվելու վայրից՝ որոշվում է վճարման հաշվեհամարը, և ըստ այդմ կատարվում է համապատասխան վճարումը։

Հղում օրենսդրությանը

• «Քաղաքաշինության մասին» ՀՀ օրենք

• «Պետական տուրքի մասին» ՀՀ օրենք

• ՀՀ կառավարության՝ 2015 թվականի մարտի 19-ի N 596-Ն որոշում

• ՀՀ Երևան քաղաքի ավագանու՝ 2023 թվականի դեկտեմբերի 26-ի N 42-Ն որոշում

Իրավական ակտերը հնարավոր է գտնել arlis.am-ում։