Հարթակը մշակման փուլում է․ ձեր կարծիքը կօգնի մեզ բարելավել այն:
Հաշվառվել որպես աշխատանք փնտրող անձ
Աշխատանք կորցնելու դեպքում քաղաքացին կարող է հաշվառվել որպես աշխատանք փնտրող անձ, ստանալ գործազուրկի կարգավիճակ, ստանալ ծանուցումներ մասնագիտական որակավորումներին համապատասխան աշխատանքների մասին, ինչի հիման վրա հետագայում կարող է աշխատանք ունենալ։
Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։
Որպես աշխատանք փնտրող անձ հաշվառվելու համար անհրաժեշտ է.
- այցելել e-work,
- սեղմել «Մուտք» կոճակը,
- բացվող պատուհանում նշել համապատասխան տարիքը և սեղմել «Շարունակել» կոճակը,
- այնուհետև բացվող պատուհանում սեղմել «Գրանցվել» կոճակը և լրացնել պահանջվող տվյալները։
Հարթակում հաջողությամբ գրանցվելուց հետո անհրաժեշտ է.
- անցնել կայքի գլխավոր էջ,
- սեղմել «Իմ CV-ն» պատուհանի վրա,
- բացվող պատուհանում լրացնել անձնական և աշխատանքային տվյալները, նախընտրանքները, լեզուների իմացությունը, կրթությունը և այլն,
- CV-ն ստեղծելուց հետո սեղմել «Հրապարակել» կոճակը։
Ներկայացվող պահանջները
Հաշվառվելու համար անհրաժեշտ է ստանալ գործազուրկի կարգավիճակ զբաղվածության տարածքային կենտրոնում։
Պահանջվող փաստաթղթերը
Որպես գործազուրկ հաշվառվելու համար անհրաժեշտ է ներկայացնել հետևյալ փաստաթղթերը․
- դիմում,
- նույնականացման քարտ կամ անձնագիր,
- սոցիալական քարտ (նույնականացման քարտի առկայության դեպքում անհրաժեշտ չէ) կամ այն չստանալու մասին տեղեկանք,
- աշխատանքային գրքույկ, անհրաժեշտության դեպքում ստաժը հաստատող այլ փաստաթղթեր կամ արխիվային տեղեկանքներ,
- բարձրագույն ուսումնական հաստատության դիպլոմ,
- զինվորական գրքույկ (տղամարդկանց դեպքում),
- կացության քարտ (օտարերկրյա քաղաքացիների դեպքում)։
Տրամադրման չափը և կարգը
Հղում օրենսդրությանը
«Քաղաքացիական ծառայության մասին» ՀՀ օրենք։
09:00-18:00
(+374) 010 56-53-83
Ծառայությունից տարբեր եղանակներով օգտվելիս կարող են տարբեր քանակությամբ ռեսուրսներ և ժամանակ պահանջվել։
09:00-18:00
(+374) 010 56-53-83