Ովքեր կարող են դիմել

• նախկին ՀԽՍՀ-ի (Հայաստանի Խորհրդային Սոցիալիստական Հանրապետության) այն քաղաքացիները, ովքեր ձեռք չեն բերել այլ պետության քաղաքացիություն,
• նախկին ԽՍՀՄ-ի (Խորհրդային Սոցիալիստական Հանրապետությունների Միություն) այլ պետությունների քաղաքացիները,
• քաղաքացիություն և անձը հաստատող փաստաթուղթ չունեցող անձինք, 
• քաղաքացիությունից զրկված անձինք,
• փախստական անձինք։

Պահանջվող փաստաթղթերը

Անհրաժեշտ է Միգրացիայի և քաղաքացիության ծառայության անձնագրային և վիզաների վարչություն (տարածված է նաև ОВИР անվանումը) ներկայացնել քաղաքացիության հետ կապված բոլոր առկա փաստաթղթերը։

Ըստ դեպքի՝ կարող են պահանջվել հավելյալ փաստաթղթեր, որոնց մասին կտեղեկացնի վարչության աշխատակիցը։

Վճարման չափը և կարգը

Քաղաքացիության կարգավիճակի որոշումն իրականացվում է անվճար։

Տրամադրման ժամկետը

Կախված դեպքից՝ դիմումի ուսումնասիրությունը կարող է տևել մի քանի ամիս։

ՀՀ քաղաքացի ճանաչվելուց հետո անձը կարող է դիմել անձնագրային բաժանմունք՝ ՀՀ քաղաքացու անձնագիր ստանալու համար։

Հղում օրենսդրությանը

ՀՀ կառավարության` 2011 թվականի հունիսի 23-ի N 974-Ն որոշում

Որոշումը հնարավոր է գտնել arlis.am-ում։