Անշարժ գույքի վաճառքի պայմանագիրը կնքելու համար անհրաժեշտ է այցելել Կադաստրի պետական կոմիտե՝ ներկայացնելով պահանջվող փաստաթղթերը։ 

Ներկայացվող պահանջները

Բնակարանի վաճառքի պայմանագիրը Կադաստրի պետական կոմիտեում կնքելու ընթացքում պետք է անպայման ներկա լինեն գնորդը և բնակարանի բոլոր սեփականատերերը։

Անհրաժեշտ փաստաթղթերը

Բնակարանի վաճառքի պայմանագիրը կնքելու համար պետք է ներկայացնել հետևյալ փաստաթղթերը․ 

• վաճառողի, բոլոր սեփականատերերի և գնորդի անձնագրերը,
• բնակարանի սեփականության իրավունքի վկայականը,
• միասնական տեղեկանքը։ 
  
  

Անշարժ գույքի վաճառքի պայմանագրի օրինակը հնարավոր է տեսնել հղումով։

Պայմանագրի ստորագրման կարգը և վճարը

• Պայմանագիրը ստորագրվում է գնորդի, վաճառողի, առկայության դեպքում՝ նաև մյուս սեփականատերերի կողմից և հաստատվում է Կադաստրի կոմիտեի ներկայացուցչի կողմից։
• Ծառայությունն անվճար է։ 
  
  

Տրամադրման ժամկետը և կարգը

Անշարժ գույքի վաճառքի պայմանագիրը կնքվում է կոնղմերի ներկայությամբ և տրամադրվում է անմիջապես։

Հղում օրենսդրությանը 

• ՀՀ քաղաքացիական օրենսգիրք
• ՀՀ կառավարության՝ 2011 թվականի դեկտեմբերի 22-ի N 1851-Ն որոշում

Օրենսդրական ակտերը հնարավոր է գտնել arlis.am-ում։