• Անձնագիր կամ նույնականացման քարտ,

• Փոխանակման քարտ, որը  պարունակում է հղիության ընթացքի և սպասվող ծննդաբերության վերաբերյալ անհրաժեշտ տեղեկատվություն։ Այն քեզ կտրամադրվի կանանց կոնսուլտացիայի բաժնում հղիությանդ 30-րդ շաբաթում։ 

• Հողաթափեր և բամբակյա գուլպաներ

• Խալաթ, 2-3 բամբակյա գիշերանոց (գիշերանոցները պետք է առավելագույնս հարմար լինեն կրծքով կերակրելու համար)

• Մի քանի բամբակյա վարտիք (սինթետիկ ներքնազգեստ կրելը թույլատրելի չէ) կամ միանգամյա օգտագործման վարտիքներ, 1-2 տուփ միջադիրներ

• Միանգամյա օգտագործման անջրանցիկ սավաններ

• Կերակրման կրծկալ և կրծկալի միջադիրներ

• Պտուկների ճաքերի համար քսուք

• Շրթունքների գել (ծննդաբերելիս շրթունքները ճաքելու հակում ունեն)

• Ատամի խոզանակ և մածուկ

• Շամպուն, օճառ, սպունգ

• Սրբիչներ

• Անձեռոցիկ՝ թաց և չոր

• Բաժակ, ափսե, գդալ, դանակ, պատառաքաղ

• Բջջային հեռախոս՝ լիցքավորման լարով

• Խնամքի միջոցներ, սանր, մազակալ, հայելի

• Դուրսգրման օրվա համար հագուստ և կոշիկ

• Մանկական օճառ

• Կրեմ՝ տակդիրից առաջ օգտագործելու համար

• Տակդիրներ

• Միանգամյա օգտագործման անջրանցիկ սավաններ

• Հագուստի 3-4 հավաքածու (բոդի, կոմբինեզոն, թաթպան, կարդիգան, բամբակյա գուլպա, գլխարկ, գոգնոց)

• Ծածկոց

• Սրբիչ

• Դուրսգրման օրվա համար հագուստ

• Անվտանգ երթևեկության համար 0+ տարիքի երեխաների համար նախատեսված նստատեղ

Հիվանդանոցից դուրս գրվելը կախված է քո և երեխայիդ առողջական վիճակից։ Եթե ծննդաբերությունը տեղի է ունեցել բնական ճանապարհով, և բարդություններ չկան ո՛չ քո, ո՛չ երեխայիդ մոտ, ապա բժշկի թույլտվությամբ կարող եք դուրս գրվել հիվանդանոցից ծննդաբերությունից 3 օր անց։

Իսկ եթե երեխայի ծնունդը տեղի է ունեցել կեսարյան հատման վիրահատության միջոցով, ապա բժշկի թույլտվությամբ և հսկողությամբ կարող եք դուրս գրվել հիվանդանոցից վիրահատությունից 5-ից 7 օր անց։ 

Նկատի ունեցիր, որ 2 դեպքում էլ հիվանդանոցից կարող եք դուրս գրվել միայն այն դեպքում, եթե երեխադ գրանցված է պոլիկլինիկայում։

• Հայրության ճանաչման համար որպես պետական հիմք կարող են լինել երեխայի մոր և երեխայի նկատմամբ իրեն հայր ճանաչող անձի համատեղ դիմումը, երեխայի նկատմամբ իրեն հայր ճանաչող անձի դիմումը կամ «Նոտարիատի մասին» ՀՀ օրենքով սահմանված նոտարական ակտը կամ դատարանի համապատասխան վճիռը։

Հայրության ճանաչման պետական գրանցման համար անհրաժեշտ են՝ 

• երեխայի նկատմամբ իրեն հայր ճանաչող անձի և երեխայի մոր համատեղ դիմումի դեպքում՝ նրանց անձը հաստատող փաստաթղթերը,

• երեխայի ծնունդի գրանցման մասին վկայականը կամ ակտային գրանցման տվյալները, եթե հայրության ճանաչման գրանցումը կատարվում է երեխայի ծնունդի պետական գրանցումից հետո,

• երեխայի մոր հղիությունը հաստատող բժշկական տեղեկանքը (տրվում է բժիշկի կողմից), եթե հայրության ճանաչման մասին դիմումը ներկայացվում է մինչև երեխայի ծնվելը,

• հայր ճանաչողի անձը հաստատող փաստաթուղթը, երեխայի մոր բացակայության մասին իրավասու մարմնի տված փաստաթուղթը (մոր մահվան վկայականը կամ տեղեկանքը, նրան անգործունակ ճանաչելու կամ մահացած կամ անհայտ բացակայող ճանաչելու կամ նրան ծնողական իրավունքներից զրկելու մասին դատարանի՝ օրինական ուժի մեջ մտած վճիռը) և երեխայի կենսաբանական հայր հանդիսանալու վերաբերյալ ԴՆԹ-ի որոշումը,

• չափահաս լինելու դեպքում՝ անձի համաձայնությունը իր նկատմամբ հայրություն ճանաչելու վերաբերյալ,

• տասը տարին լրացած երեխայի համաձայնությունը, եթե հայրության ճանաչման պետական գրանցման հետևանքով նախատեսվում է փոխել նաև նրա անունը կամ ազգանունը,

• նոտարի կողմից հաստատված ակտը կամ դատարանի՝ օրինական ուժի մեջ մտած համապատասխան վճիռը և դիմողի անձը հաստատող փաստաթուղթը: 

   

Եթե փաստաթղթերի բնօրինակներն այլ լեզվով են, պետք է ներկայացնել նաև դրանց հայերեն թարգմանությունը՝ վավերացված արտոնագրված թարգմանչի կողմից։

• երեխայի ծննդյան վկայականը կամ հանրային ծառայությունների համարանիշի տեղեկանքը,

• ծնողներից մեկի անձնագիրը կամ նույնականացման քարտը,

• երեխայի հաշվառումը հիմնավորող փաստաթուղթ՝ անձնագիր կամ հանրային ծառայությունների համարանիշի տեղեկանք կամ հաշվառման տեղեկանք՝ տրված ոստիկանության անձնագրային բաժանմունքի կողմից։